Qirg‘iziston hukumati respublikadan ayrim tovarlarning olib chiqib ketilishiga vaqtincha taqiq o‘rnatdi. Ular orasidan un va marakonlar, shuningdek, dezinfeksiya mahsulotlari o‘rin olgan. Tegishli qaror bosh vazir Muhammadkaliy Abilgaziyev tomonidan imzolandi, deb xabar beradi “24.kg”.
Olib chiqib ketilishiga taqiq o‘rnatilgan mahsulotlar ro‘yxatidan bug‘doy, un, o‘simlik yog‘i, shakar, tuxum, guruch, makaron mahsulotlari, dezinfeksiya qiluvchi va antibakterial vositalar, salfetkalar, shuningdek, kombikorm va bug‘doy kepagi o‘rin olgan.
Iqtisodiyot vazirligiga joriy etilgan taqiq haqida Yevrosiyo iqtisodiy komissiyasini ogohlantirish vazifasi topshirilgan. Bu kabi qaror ichki bozorni barqarorlashtirish uchun qabul qilingan. Hukumat mahsulotlar taqchilligi yuzaga kelmasligini va’da qilayotgan bo‘lsa-da, Bishkek do‘konlarida mart oyining o‘rtalaridan boshlab un, shakar, makaron va o‘simlik yog‘iga bo‘lgan talab ortgan.
Mavzuga doir: Qirg‘izistonda koronavirus aniqlangan yana bir tumanda favqulodda holat rejimi joriy etildi
Izoh (0)