Maryam Uzerli yangi serialda “Fazilatxonim qizlari”dagi aktyorning sevgilisi rolini ijro etadi

Taniqli turk aktrisasi Maryam Uzerli yangi teleserialda qaysi aktyor bilan rol ijro etishi ma’lum bo‘ldi, deb yozadi “RusTurkey.com”.

Qayd etilishicha, aktrisa yangi loyihada “Fazilatxonim qizlari” seriali yulduzi Chag‘lar Ertug‘rul bilan birga sevishgan juftlik obrazini yaratadi.

Xabarda yozilishicha, Chag‘lar avval bir necha marta Uzerli bilan bir filmda suratga tushish istagini bildirgan.

Olgun O‘zdemir prodyuserligida suratga olinishi rejalashtirilayotgan serialning nomi hozircha oshkor qilinmayapti.

Ma’lumot uchun, Chag‘lar Ertug‘rul turk aktyori va modeli. U kelajakda faqat aktyorlik va modellik bilan chegaralanib qolmay, rejissorlik hamda prodyuserlik bilan ham shug‘ullanishni rejalashtirmoqda.

Chag‘lar o‘zbek tomoshabinlariga “Fazilatxonim qizlari” serialidagi Yag‘iz obrazi bilan yaxshi tanish.