Jizzax viloyati Sharof Rashidov tumanida karantin sabab yopilgan oshxonaga kelgan xo‘randalar janjal chiqarib, ikki kishini pichoqlab qo‘ydi, deb xabar beradi viloyat IIB axborot xizmati.
Jizzax shahar “Tinchlik” mahalla fuqarolar yig‘inida istiqomat qiluvchi fuqaro M.N. va N.J. Sharof Rashidov tumani “Xayrabod” mahalla fuqarolar yig‘inida joylashgan umumiy ovqatlanish shoxobchasiga kelib, ovqat buyurtma qilgan. Oshpaz mijozlarga oshxona karantin munosabati bilan ishlamayotganligini tushuntirganida, ular buni tushunishni xohlamay janjal chiqargan.
Oshxona ro‘parasida istiqomat qiluvchi 2000-yilda tug‘ilgan fuqaro F.U va ukasi tuman XTBga qarashli 52-sonli umumta’lim maktabining o‘quvchisi O.U. janjalni eshitib chiqadi. Dahanaki janjal oqibatida fuqaro M.N. o‘zi bilan doimiy ravishda olib yurgan pichog‘i bilan O.U. va akasi F.U.ga tan jarohat yetkazgan.
Hozirda mazkur holat bo‘yicha Sharof Rashidov tumani ichki ishlar bo‘limi tomonidan tergovga qadar surishtiruv ishlari olib borilmoqda.
Mavzuga doir:
Izoh (0)