UFC chempioni Habib Nurmagomedovning jamoasi koronavirus sabab AQShdan Rossiyaga qaytdi. Buni rossiyalik yakkakurashchining menejeri Rizvon Magomedov tasdiqladi.
Nurmagomedov mashg‘ulot olib boradigan San-Xosedagi zal koronavirus tufayli mahalliy hukumat tomonidan yopib qo‘yilgan.
Eslatib o‘tamiz, Nurmagomedov 18-aprel kuni Toni Fergyusonga qarshi jang qiladi. Dastlab jang Nyu-Yorkda bo‘lib o‘tishi ko‘zda tutilgandi, biroq koronavirus sabab shtat yirik musobaqalar o‘tkazishni taqiqlab qo‘ydi. Ayni damda UFC jang uchun yangi joy qidirmoqda.
Avvalroq rossiyalik jangchining otasi Abdulmanap Nurmagomedov jang Dubayda o‘tishi mumkinligini aytgandi.
Izoh (0)