Farg‘onalik tadbirkor kuniga 40 ming dona tibbiyot niqobi tayyorlab, dorixonalarga 400 so‘mdan yetkazib bermoqda. Bu haqda “Daryo” muxbiri Azizjon Ermatov xabar berdi.

Foto: “Daryo”

Tadbirkorning ta’kidlashicha, bir dona tibbiyot niqobini tayyorlash uchun 400 so‘m xarajat qilinmoqda va dorixonalarda 500 so‘mdan sotilmoqda.

Mavzuga doir: Farg‘onalik tadbirkor tomonidan 30 mln so‘mlik oziq-ovqat mahsulotlari, tibbiy niqob va shaxsiy gigiyena vositalari bepul tarqatildi

2018-yilda kiyim-kechak tikishni yo‘lga qo‘ygan tadbirkor 2020-yil yanvar oyidan boshlab tibbiyot niqoblari ham ishlab chiqarmoqda.

Tibbiyot niqoblariga talab kuchaysa, tadbirkor kunlik ishlab chiqarish hajmini 70 ming donaga yetkazishni rejalashtirgan.

Mavzuga doir: O‘zbekistonda tibbiyot niqoblari qo‘shilgan qiymat solig‘idan ozod etiladi

“Koronavirus bilan bog‘liq gap-so‘zlar, asossiz mish-mishlar aholi o‘rtasida tarqab ketgan kunlarda dorixonalardan tibbiy niqob topib bo‘lmay qoldi. 500 so‘mlik niqob 3-4 mingga ko‘tarilib ketdi. Shunda, seximiz ishchilari bilan kelishib, yoppasiga niqob tikishni boshladik va oz bo‘lsa-da, uning narxini tushirishga hissa qo‘shdik”, — deydi tadbirkor Umidjon Xonkeldiyev.

Mavzuga doir: O‘zbekistonda tibbiy niqob tanqisligini keltirib chiqarganlarga qat’iy choralar ko‘riladi