Toshkentdagi xususiy mehmonxona o‘z binosini karantin uchun bepul ajratmoqchi
Toshkentdagi Daniel Hill mehmonxonasi Instagram’dagi sahifasida o‘z binosini karantin uchun ajratishga tayyorligini ma’lum qildi.
Foto: Instagram
“Yurtimizdagi karantin va murakkab sharoitni inobatga olib, Daniel Hill Hotel mehmonxonasi chet ellik investorlar bilan kelishgan holda Sog‘liqni saqlash vazirligiga ko‘mak uchun tayyorligini bildiradi.
O‘zbekiston hududiga chet eldan kelayotgan vatandoshlarimizni karantinda saqlashga mo‘ljallangan 350 kishi uchun 150 ta xona tayyorlangan. Ularni 3 mahal bilan ovqat bilan ham ta’minlaymiz”, – deyiladi mehmonxona rahbariyatining bayonotida.
22-martning birinchi yarmi holatiga ko‘ra, O‘zbekistonda COVID19 koronavirus infeksiyasini yuqtirganlar soni 43 nafarni tashkil etgan, Toshkentdagi barcha korxona va muassasalarga ishchilarni ta’tilga chiqarish haqida topshiriq berilgan, ish masofadan turib tashkil etilishi mumkin. O‘zbekistonda jamoat joylarida niqobsiz yurish taqiqlangani 25-martdan boshlab niqobsiz yurganlar jarimaga tortiladi, hukumat 65 yoshdan oshganlarga ko‘chaga chiqmaslikni tavsiya qilgan, shuningdek Toshkentda 22-martdan avtobus, metro va “marshrutka”lar harakati to‘xtatilgan. Poytaxtga kirishdagi YPX postlarida mashinalar dezinfeksiya qilinmoqda.
Izoh (0)