Karantin vaqtida avtomobil ko‘pchilikning yagona harakatlanish vositasiga aylanib qoldi. Toshkent shahrida ham 22-martdan avtobus, metro va “marshrutka”lar harakati to‘xtatildi. Shaxsiy avtomobilingizda yursangiz ham ayrim ehtiyot choralariga rioya qilish kerak. CARtaUA avtomobil loyihasi haydovchilar uchun virusdan himoyalanishda yordam beradigan maslahatlari bilan bo‘lishdi, deb yozadi “Korrespondent.net”.
Ekspertlar birinchi navbatda avtomobilning eshik tutqichlariga e’tibor qaratish lozimligini ta’kidlaydi. Ko‘p hollarda undan boshqa insonlar ham foydalanadi. Uni antiseptik vositalar bilan yaxshilab artib turish kereak. Mashinaga o‘tirishdan oldin quyidagi algoritmga rioya qilish tavsiya etiladi:
- Eshikni ochish;
- Eshik tutqichini ushlagan qo‘lni antiseptik vositalar bilan dezinfeksiyalash;
- O‘tirib olish va shundan keyingina boshqa predmetlarga teginish.
Shuningdek, ekspertlar Jahon sog‘liqni saqlash tashiloti hamda AQSh kasalliklar nazorati markazining tavsiyalarida koronavirusdan himoyalanish uchun keltirilgan tavsiyalarga diqqatli bo‘lishga chaqiradi. Virusni o‘ldiradigan vositalar:
- Suv va sovun;
- Maishiy oqartiruvchi vositalar;
- Tarkibida 70 foizdan ortiq spirt bo‘lgan suyuqliklar.
Izoh (0)