La Liga klubida o‘ynovchi xitoylik futbolchida koronavirus aniqlandi

Futbol bo‘yicha Xitoy terma jamoasi va “Espanyol” klubi hujumchisi Vu Ley koronavirusga yo‘liqdi.

28 yoshli futbolchi virusni Ispaniyada yuqtirib olgan. Ayni damda u Barselona shahrida karantinda saqlanmoqda.

Xabar qilinishicha, futbolchida to‘xtovsiz kasallik alomatlari kuzatilmoqda. U davolanish kursini o‘tamoqda. Xitoy futbol assotsiatsiyasi Vu Leyning holatidan xabardor va kerakli yordamni ko‘rsatishga tayyor.

Ma’lumot uchun, Vu Ley Yevropa kuchli beshlik ligalarida to‘p suruvchi yagona xitoylik futbolchi hisoblanadi. U koronavirus yuqtirib olgan birinchi xitoylik o‘yinchiga aylandi.