17-mart kuni 2-avtosaroy tasarrufidagi 63-yo‘nalishda qatnovchi, saf raqami 70 bo‘lgan avtobusning tezligini haddan oshirib, keskin to‘xtashga harakat qilgani yo‘lovchilarning noroziligini keltirib chiqargan va ijtimoiy tarmoqlarda muhokamalarga sabab bo‘ldi. “Toshshahartransxizmat” ushbu holat bo‘yicha haydovchiga nisbatan chora ko‘rilganini ma’lum qildi.
Aniqlanishicha, haydovchi K.R avtobusdagi GPS nazorat tizimini qasddan o‘chirib, masofani qisqa muddatda bosib o‘tish maqsadida tezlikni oshirgan, yo‘ldagi noqulay vaziyat sabab keskin to‘xtashga harakat qilgani natijasida chiptachi avtobus salonida yiqilib tushgan.
Ma’lum qilinishicha, ushbu xatti-harakat atroflicha o‘rganilib, haydovchi Yo‘l harakati xavfsizligi boshqarmasidan yo‘l va yo‘lovchi tashish qoidalari bo‘yicha qayta imtihondan o‘tishga yo‘naltirilgan.
Mavzuga doir:
Avvalroq Toshkentdagi avtobuslar harakati koronavirus sabab kamaytirilgani haqida xabar berilgandi.
Izoh (0)