Samarqandda qalbaki pul yasab, muomalaga chiqargan fuqarolardan biri 3 yil 8 oyga qamaldi, birining esa 3 yilga ozodligi cheklandi. Bu haqda “Daryo”ga Jinoyat ishlari bo‘yicha Samarqand shahar sudi sudyasi Farrux Samadov xabar bermoqda.
Foto: “Daryo”
Ma’lum bo‘lishicha, 2019-yil 19-dekabr kuni soat 13:00 da fuqaro M.K. va U.U. Samarqand shahar, Buyuk ipak yo‘li ko‘chasida ijarada turuvchi uyida (10 ming so‘mlik kupyuralarda) jami 360 ming so‘m qalbaki pul yasagan.
So‘ngra mazkur pullardan 90 ming so‘mga savdo do‘konidan tovar mahsulotlarini xarid qilib, qalbaki pulni muomalaga chiqargan.
Mavzuga doir: Toshkent viloyatida soxta kupyuralarni muomalaga kiritmoqchi bo‘lgan shaxslar qo‘lga olindi
Sudlanuvchi M.K. Jinoyat kodeksining 176-moddasi 2-qismi “v” bandi (bir guruh shaxslar tomonidan oldindan til biriktirib qalbaki pul, aksiz markasi yoki qimmatli qog‘ozlar yasash, ularni o‘tkazish) bilan aybli deb topilib, 3 yil 8 oy muddatga ozodlikdan mahrum qilingan bo‘lsa, U.U.ga 3 yil muddatga ozodlikni cheklash jazosi tayinlangan.
Izoh (0)