O‘zbekistonda bir sutka davomida koronavirus infeksiyasi yuqtirilgan yangi holat aniqlanmadi

O‘zbekistonda 20-mart ertalab 09:00 holatiga kasallanganlar soni 23 nafarni tashkil etmoqda. Bu haqda Davlat sanitariya-epidemiologiya nazorati inspeksiyasi boshlig‘i, Davlat Bosh sanitariya inspektori Nurmat Otabekov ma’lum qildi.

“Avvalgi xabarlardan boxabar bo‘lib turgan bo‘lsangiz, bir kun mobaynida O‘zbekiston sharoitida kasallanganlar yangidan ro‘yxatga olingani yo‘q”, — deya ma’lum qildi u.

Eslatib o‘tamiz, O‘zbekistonda 15-mart kuni to‘rt kishida, 16-mart kuni to‘rt kishida, 17-mart kuni uch kishida, 18-mart kuni yetti kishida, 19-mart kuni to‘qqiz kishida koronavirus aniqlandi va kasallanganlar umumiy soni 23 nafarga yetdi.