“Manchester Yunayted” futbol klubi Premyer Liganing joriy mavsumdagi o‘yinlari tomoshabinsiz o‘tkazilsa yoki bekor qilinadigan bo‘lsa ham o‘z xodimlariga maoshni to‘liq to‘lab beradi. Bu haqda klub matbuot xizmati ma’lum qildi.
Avvalroq koronavirus pandemiyasi sabab Angliya chempionati bahslari 30-aprelga qadar qoldirilgani ma’lum bo‘lgandi. Chempionatning qolgan bahslari tomoshabinlarsiz neytral maydonda o‘tishi mumkinligi xabar qilingan.
Shuningdek, “Liverpul” jamoasi ham har qanday holatda “Enfild” xizmatchilariga maoshlar to‘liq berilishini ma’lum qilgan.
Izoh (0)