Koronavirus pandemiyasi ko‘plab sohalar qatori sportga ham katta zarar yetkazishda davom etmoqda. “Daryo” bu boradagi so‘nggi ma’lumotlar bilan tanishtiradi.
Koronavirus va futbol
19-mart kuni Turkiya Superligasi ham vaqtincha to‘xtatildi. Mazkur liga Yevropada bekor qilinmagan ikkita musobaqaning biri bo‘lib qolayotgandi. Shu tariqa mintaqada davom etayotgan yagona turnir Belarus chempionati bo‘lib turibdi. Chempionatning dastlabki turida Borisovning BATE jamoasi safarda “Energetik BGU”ga mag‘lub bo‘ldi (1:3). Mazkur bahsda o‘zbekistonlik hujumchi Jasur Yaxshiboyev Belarus ligasidagi debyut o‘yinida dublga erishdi.Yevro—2020 musobaqasi 2021-yilga surilgani ma’lum qilingan edi. UEFA qaroriga ko‘ra, musobaqa 2021-yilda o‘tkazilishiga qaramasdan “Yevro—2020” nomini saqlab qoladi.
“Ayntraxt” futbolchisida koronavirus borligi aniqlandi, buning natijasida butun jamoa karantinga olindi.
“Real” hujumchisi Luka Yovich Serbiya hukumati tomonidan o‘rnatilgan karantin qoidalarini buzdi. Bu masala mamlakat prezidentigacha yetib bordi. Aleksandr Vuchich Yovich va “Askoli” futbolchisi Nikola Ninkovichni keskin tanqid ostiga oldi.
Bu yigitlar — millioner, shu sabab ular o‘zlari uchun barchasi mumkin deb hisoblaydi, biroq siz hayolingizga kelgan hamma ishni qila olmaysiz. Barcha qonunbuzarlar qattiq jazolanadi. Qilish mumkin bo‘lgan eng oson ish — ularni jazolash.20-mart holatiga ko‘ra Yevropa kuchli beshlik ligalarida 23 nafar futbolchi virus yuqtirib olgan. Avvalroq kasallikka chalingan “Arsenal” ustozi Mikel Artetaning sog‘lig‘i yaxshilangan.Ular qilmishidan pushaymon va ikkisi ham izolyatsiyada, agar chiqishga urinadigan bo‘lsa, hibsga olinadi. Umuman olganda ular yaxshi yigitlar, men ularni tushunaman.
Aleksandr Vuchich, Serbiya prezidenti
Bir qator futbol vakillari xayriya orqali koronavirusga qarshi kurashga o‘z hissasini qo‘shmoqda. FIFA koronavirusga qarshi kurash uchun 10 million dollar ajratdi. Zlatan Ibragimovich Italiyadagi shifoxonalarga yordam tariqasida pul yig‘ish uchun fond ochdi va hamkasblarini xayriya qilishga undadi. “Bavariya” futbolchilari Leon Goretska va Yozua Kimmix koronavirusga qarshi kurash uchun 1 million yevro xayriya qildi.
“Manchester Yunayted” va “Liverpul” jamoalari mavsum qanday yakunlanishidan qat’iy nazar barcha hodimlarga maosh to‘lashini ma’lum qildi.
Koronavirus raqamlarda
Sport olamida 112 kishi koronavirusga yo‘liqdi (shulardan 84 nafari futbol). Ulardan eng ko‘pi: Ispaniya (24), Italiya (11) va Buyuk Britaniya, Germaniya (6). 4 kishi vafot etdi (Eron 2, Ispaniya 1, Portugaliya 1) va ularning barchasi futbol vakillari. 9 nafar inson tuzalib ketgan.Ikki nafar ispaniyalik sport jurnalisti Xose Mariya Kandela (59 yosh) va Tomas Dias-Valdes (78 yosh) koronavirusdan vafot etdi.
Habib va Toni jangi qoldiriladimi?
UFC yengil vazn toifasi chempioni Habib Nurmagomedov va Toni Fergyuson o‘rtasidagi Nyu-Yorkdagi bahs ham rasman bekor qilindi. Tashkilot prezidenti Deyna Uayt jangni boshqa joyda o‘tkazishga urinmoqda, biroq Uayt 20-mart kungi bayonotida bellashuv 18-apreldan keyinga surilishi mumkinlini aytdi. Shu tariqa Toni va Habib qarama-qarshiligi tarixda beshinchi bor qoldirilishi mumkin. Avvalroq mazkur yakkakurashchilar o‘rtasidagi jang turli sabablarga ko‘ra to‘rt bor qoldirilgandi.Boks bo‘yicha to‘rt yo‘nalish Jahon chempioni Entoni Joshua va bolgariyalik Kubrat Pulev o‘rtasidagi 20-iyunga mo‘ljallangan jang ham koronavirus tufayli qoldirildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)