O‘zbekistonda yuridik shaxslar narkotik va psixotrop moddalar yetishtirish va tayyorlash bilan bog‘liq bo‘lmagan sanoat maqsadlarida kannabis o‘simligini yetishtirish, import va eksport qilish, qayta ishlash, saqlash, sotish, sotib olish va tashish bilan shug‘ullanishi mumkin.
Bu haqda Shavkat Mirziyoyev tomonidan 17-mart kuni imzolangan “O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi qonunda belgilandi.
Ushbu faoliyat bilan shug‘ullanish uchun yuridik shaxslar Vazirlar Mahkamasi tomonidan belgilangan tartibda tegishli litsenziya olishlari kerak.
Bunda o‘simlik tarkibidagi tetragidrokannabinol giyohvand modda miqdori 0,2 foizdan oshmasligi kerak.
Izoh (0)