Shavkat Mirziyoyev tomonidan 17-mart kuni imzolangan qonun bilan Ma’muriy javobgarlik to‘g‘risidagi kodeks jarima solish to‘g‘risidagi qarorni ijro etishning soddalashtirilgan tartibini nazarda tutuvchi modda bilan to‘ldirildi.
“Huquqiy axborot” kanalining xabar berishicha, unga ko‘ra, jarimalarni o‘z vaqtida to‘laganlarga 30 foizlik chegirma taqdim etiladi. Huquqbuzar unga jarima solish to‘g‘risidagi qaror topshirilgan kundan boshlab 15 kun ichida jarima miqdorining 70 foizini ixtiyoriy ravishda to‘lagan taqdirda, u jarimaning qolgan qismini to‘lashdan ozod qilinadi.
Soddalashtirilgan tartib quyidagi hollarda qo‘llanilmaydi:
- ma’muriy huquqbuzarlik sodir etganlik uchun sud tomonidan jarima solinganda;
- jarima solish to‘g‘risidagi qaror ustidan shikoyat qilinganda yoki protest bildirilganda;
- xuddi shunday huquqbuzarlik ma’muriy jazo chorasi qo‘llanilganidan keyin 1 yil davomida takror sodir etilganda.
Avvalroq Shavkat Mirziyoyev to‘y o‘tkazish tartibini buzganlik uchun jarima solish to‘g‘risidagi qonunni imzolagani xabar berilgan edi.
Izoh (0)