“Adolat” sotsial-demokratik partiyasi fraksiyasi a’zolari Gulbahor Saidg‘aniyeva, Shuhrat Polvonov shifokorlarning jamiyatdagi o‘rni va maqomini oshirish, ularni har tomonlama himoya qilish, oylik maoshini oshirish masalalarini ko‘tarmoqda. Bu haqda Oliy Majlis Qonunchilik palatasi matbuot xizmati xabar berdi.
Deputatlar, xususan, yuqumli kasalxonalarda ishlayotgan shifokorlar oylik maoshini bir necha barobarga oshirishni taklif etmoqda.
Deputatlarning fikricha, birlamchi tibbiyot muassasalarida mehnat faoliyatini olib borayotgan xodimlar maoshini ko‘tarish vaqti kelgan. “Chunki bugun aholi salomatligini saqlash, ayniqsa, butun dunyoga jiddiy tashvish olib kelayotgan koronavirusdan odamlarni asrash, undan talafotlarsiz chiqish uchun astoydil mehnat qilayotgan soha xodimlarini qo‘llab-quvvatlash, ular faoliyatining huquqiy asoslarini yanada takomillashtirish zarur”, — deyiladi xabarda.
So‘nggi ma’lumotlarga ko‘ra, O‘zbekistonda 13 kishida koronavirus aniqlangan. Sog‘liqni saqlash vazirining so‘zlariga ko‘ra, 641 kishi kasalxonalarda, 5661 kishi esa uy sharoitida karantinga olingan.
Mavzuga doir:
Izoh (0)