Toshkentda yangi uch qavatli ko‘prik bo‘ylab qaysi yo‘nalishlar ochiq bo‘lishi ma’lum qilindi

Toshkent shahridagi uch qavatli ko‘prik ochilishi oldidan haydovchilarning qaysi yo‘nalishlarda harakatlanishi mumkinligi haqida xabar berildi.

Toshkent shahar hokimligi matbuot xizmatining yozishicha, 17-mart kuni soat 8:00 dan Parkent, Temur Malik va Maxtumquli ko‘chalari kesishmasidagi aylanma harakat quyidagi yo‘nalishlar orqali amalga oshirilishi mumkin:

1. Parkent ko‘chasidan Ohangaron ko‘chasi tomondan qurilayotgan ko‘prik tomon harakatlanib kelayotgan transport uchun — aylanma harakatni boshlash Maxtumquli (“Tashselmash” mavzesi taraf), Temur Malik ko‘chasi (Qorasuv mavzesi) va Ohangaron ko‘chasiga qayrilib olish;

2. Temur Malik ko‘chasidan ko‘prik tomon harakatlanib kelayotgan transport vositasi Maxtumquli ko‘chasi (“Tashselmash” mavzesi taraf) orqali aylanma harakatni boshlaydi va unga Ohangaron ko‘chasiga burilish ruxsat etiladi.

Shuningdek, poytaxt hokimligi matbuot xizmati haydovchilardan xushyorlik, yo‘l harakati xavfsizligi qoidalariga rioya qilishni so‘ragan va yaqin vaqt ichida transportlar harakati to‘liq tiklanishini ma’lum qilgan.