Futbol bo‘yicha Yevropa Ligasi 1/8 final ilk bahsidan o‘rin olgan ikki o‘yin qoldirildi.
UEFA rasmiy saytida ma’lum qilinishicha, “Inter”—“Xetafe” va “Sevilya”—“Roma” uchrashuvlari noma’lum muddatga qoldirilgan. Mazkur ikki bahs 12-mart, payshanba kuni o‘tkazilishi kerak edi.
Sababi Ispaniya hukumati koronavirus tufayli Italiyaga kirib-chiqish borasida cheklov o‘rnatgan. Avvalroq Ispaniya hukumati “Roma” klubiga mamlakatga kirishni taqiqlagani ma’lum bo‘lgandi.
Ayrim xabarlarga qo‘ra, “Inter” va “Xetafe” jamoalari o‘rtasidagi bahs neytral maydonda o‘tadigan bitta o‘yindan iborat bo‘lishi mumkin.
Shuningdek, Yevropa Chempionlar Ligasi 1/8 final javob bahsidan o‘rin olgan “Barselona” va “Napoli” jamoalari o‘rtasidagi uchrashuv ham qoldirilishi mumkin.
Italiyada koronavirus qurbonlari soni 168 kishiga yetdi. Virusni yuqtirib olganlar soni 9 mingni tashkil etmoqda. Ispaniyada 2 mingga yaqin kishi kasallikni yuqtirib olgan.
Mavzuga doir:
- “Yuventus” himoyachisi koronavirus yuqtirib olgani ma’lum bo‘ldi. Klub buni rasman tasdiqladi
- Koronavirus sabab “Manchester Siti”—“Arsenal” uchrashuvi qoldirildi
- Futbol bo‘yicha Ispaniya va Fransiya chempionati koronavirus sabab muxlislarsiz o‘tkaziladi
- Koronavirus sabab Italiyada A Seriya va barcha sport musobaqalari to‘xtatildi
- Koronavirus sabab dzyudo bo‘yicha barcha xalqaro musobaqalar may oyigacha bekor qilindi
- Koronavirus sabab O‘zbekistonda xalqaro tadbirlar va sport musobaqalari vaqtincha to‘xtatildi
- Qirg‘izistonda koronavirus sabab barcha sport musobaqalari bekor qilindi
Izoh (0)