Urganch garnizonida joylashgan harbiy qismlarning birida jiddiy sinov mashg‘ulotlari o‘tkazilib, unda bo‘linmalarning o‘quv yili davomida egallagan nazariy bilim va amaliy ko‘nikmalari tekshiruvdan o‘tkazildi. Shuningdek, dala o‘quv maydonida batalyon shaxsiy tarkibi tomonidan jangovar texnika va o‘qotar qurollar yordamida amalda jangovar taktik o‘quvi bo‘lib o‘tdi. Bu haqda Shimoli-g‘arbiy harbiy okrug matbuot xizmati xabar bergan.
O‘quv mashg‘ulotini maksimal darajada real vaziyatga o‘xshatish maqsadida yo‘nalish marshrutida qo‘qqisdan shartli ravishda ommaviy qirg‘in qurollari hamda portlovchi moddalar qo‘llanildi.
Mashg‘ulotni Shimoli-g‘arbiy harbiy okrug qo‘shinlari qo‘mondoni polkovnik Dilshod Choriyev, Xorazm viloyati yoshlari hamda nuroniylar kuzatib bordi.
Kuzatuvchilar sifatida mashg‘ulotda qatnashgan o‘quvchi yoshlar va nuroniylarning taklif-istagiga ko‘ra, malakali harbiy xizmatchilar ko‘magi bilan ularga avtomatdan amalda o‘q otishga imkon berildi.
Izoh (0)