Xitoyda koronavirusga chalinishning 24 ta yangi holatidan 10 tasi chetdan yuqtirilgani aniqlandi

So‘nggi bir sutka davomida Xitoyda qayd etilgan COVID-19 koronavirus infeksiyasining 24 holatidan 10 tasi boshqa davlatdan yuqtirilgan, deya xabar bermoqda Xitoy Sog‘liqni saqlash ishlari bo‘yicha davlat komissiyasi.

Qayd etilishicha, Xitoyda so‘nggi bir sutka davomida aniqlangan koronavirus infeksiyasining 24 ta holatidan 13 tasi epidemiya o‘chog‘i bo‘lgan Xubey provinsiyasida, yana biri Xeylunszyan provinsiyasida aniqlangan. Qolgan 10 ta holatda virus chetdan yuqtirib kelingan. Ulardan 6 tasi Pekinda, 2 tasi Shanxayda, 1 tasi Shaldun provinsiyasida va yana biri Gansu provinsiyasida qayd etilgan.

So‘nggi bir sutka davomida Xitoyning 25 ta hududida birorta ham koronavirusga chalinishning yangi holati aniqlanmagan.

Avvalroq Pekin hukumati shahar epidemiologik xizmati COVID-19 yuqtirib olishning 6 ta yangi holatini aniqlagan, kasallanganlarning 5 nafari Italiyadan, yana biri AQShdan kelgan bo‘lgan.

So‘nggi vaqtlarda Xitoy, ayniqsa, Pekin va Shanxay kabi yirik shaharlarda koronavirusni chetda yuqtirish holatlari ko‘paygan. Koronavirus infeksiyasi bo‘lgan yo‘lovchilar Italiya va Erondan bir necha bor kelgan, shuningdek, Buyuk Britaniya va Ispaniyadan ham virus kelishi holatlari kuzatilgan. Umumiy hisobda Xitoyda infeksiyani chetdan yuqtirishning 79 ta holati qayd etilgan.