Telegram messenjerida IIO xodimi va fuqarolar noma’lum shaxsni yuqori quvvatli elektr tarmog‘i ustunidan tushishini iltimos qilayotganlari aks etgan video tarqaldi. Toshkent shahar IIBB ushbu video bo‘yicha ma’lumot berdi.
Ta’kidlanishicha, 4-mart kuni taxminan soat 17:45 da noma’lum erkak “Qo‘yliq” bozori hududidagi yuqori quvvatli elektr tarmoq ustuniga chiqqani Bektemir tumani IIO FMB xodimlarining nazariga tushgan. Ustundan tushishini iltimos qilganlarga javoban u o‘z joniga qasd qilish niyati borligini aytgan.
Huquq-tartibot organi xodimlari uni pastga tushirishga muvaffaq bo‘lgan.
Noma’lum erkak farg‘onalik muqaddam sudlangan 34 yoshli D.D. ekanligi va u spirtli ichimlik ta’siri ostida ekanligi ma’lum bo‘lgan.
“Hozirgi vaqtda D.D. Toshkent viloyati klinik psixiatriya shifoxonasiga joylandi, shifoxonada u bilan psixologlar ishlamoqda”, — deyiladi xabarda.
Izoh (0)