Xalqaro dzyudo federatsiyasi (IJF) koronavirus sabab mart va aprel oylarida o‘tkaziladigan barcha litsenzion musobaqalarni bekor qilish bo‘yicha qaror qabul qildi.
Avvalroq COVID-19 virusi sabab 13—15-mart kunlariga mo‘ljallangan dzyudo bo‘yicha Yekaterinburg “Katta Dubulg‘a” musobaqasi ham o‘tkazilmasligi ma’lum bo‘lgandi. Endi esa IJF ijroqo‘mi bir yo‘la ikki oy davomida o‘tkaziladigan barcha musobaqalarni bekor qildi.
Hozircha ushbu qaror 30-aprel kunigacha o‘z kuchida qoladi. Bu sanaga qadar Yekaterinburg musobaqadan tashqari Tbilisi va Antaliyada o‘tkaziladigan Gran-pri turkumidagi ikki musobaqa, shuningdek, qit’a chempionatlari bor edi. Osiyo chempionati aynan aprel oyida Mo‘g‘ulistonda o‘tkazilishi kerak edi, bu musobaqa ham bekor bo‘ldi.
Mavzuga doir:
- Koronavirus sabab Italiyada A Seriya va barcha sport musobaqalari to‘xtatildi
- Koronavirus sabab O‘zbekistonda xalqaro tadbirlar va sport musobaqalari vaqtincha to‘xtatildi
- Qirg‘izistonda koronavirus sabab barcha sport musobaqalari bekor qilindi
- Koronavirus sabab Saudiya Arabistonidagi sport tadbirlari tomoshabinlarsiz o‘tadi
- Xalqaro xokkey federatsiyasi koronavirus sabab 5 ta musobaqani bekor qildi
Izoh (0)