Uxanda kamayib ketgan koronavirus, qamoqxonalardagi isyonlar va quruvchi eshaklar. 9-mart suratlari
9-mart, dushanba kuni, dunyoning turli burchaklarida olingan eng qiziqarli suratlar jamlanmasini taqdim etamiz.
Pekin xalqaro aeroportining deyarli bo‘sh uchish zalida koronavirusdan himoyalanish uchun niqob taqib, yomg‘irpo‘sh kiyib olgan yo‘lovchilar.Foto: Reuters
Santyagoda Chili hukumatiga qarshi namoyishlar vaqtida politsiyaning yonayotgan suv sepuvchi mashinasi namoyishchilarga suv sepmoqda.Foto: Reuters
Rossiya va OPEK mamlakatlari neft qazib olish hajmlarini qo‘shimcha ravishda qisqartirish masalasida bir qarorga kela olmaganidan so‘ng jahon bozorida neft narxi “quladi”. Kuvayt milliy fond birjasi asosiy indeks 10 foizga pastlaganidan so‘ng savdolarni to‘xtatdi.Foto: EPA
Koronavirusga chalingan bemor Seuldagi shifoxonaga olib kirilmoqda. Hozirda Janubiy Koreyada koronavirusga chalinganlar soni 7400 dan oshdi, vafot etganlar soni 53 nafarga yetdi.Foto: Getty Images
Islandiyaning Grindavik shahridagi termal buloqlarda cho‘milayotgan odamlar.Foto: Reuters
Turkiyaning Bozorqal’a chegara punkti oldida Gretsiya o‘z chegarasini ochishini kutib, vaqtincha lager qurib olgan migrantlarning bolalari.Foto: Anadolu Agency
2019-yil 10-martda Addis-Abeba shahri yaqinida Ethiopian Airlines’ning Boeing samolyoti halokatga uchragan joyda yotgan erkak.Foto: Reuters
Uxanda vaqtincha shifoxonaga aylantirilgan sport markazini tozalayotgan ishchi. Uxan shahrida 14 ta vaqtinchalik gospitalning 11 tasi bemorlarning uyga javob berilishi munosabati bilan yopildi.Foto: Shutterstock
Ikkinchi muddatga Afg‘oniston prezidenti etib tayinlangan Ashraf G‘ani inauguratsiya marosimida qasamyod keltirmoqda.Foto: Reuters
Gizadagi Xeops piramidasining yuqori qismiga ko‘tarilayotgan turistlar.Foto: Reuters
Italiyaning Neapol shahridagi qamoqxona tomida mahbuslar koronavirus tufayli norozilik aksiyasi o‘tkazmoqda. Koronavirus xavfi sabab Italiyada mahbuslar bilan may oyiga qadar uchrashish taqiqlandi. Italiyaning ba’zi qamoqxonalaridagi isyonlar oqibatida bir necha kishi qurbon bo‘ldi.Foto: Shutterstock
Xartum shahrida xavfsizlik xizmati xodimlari portlashdan zararlangan Sudan bosh vaziri Abdulla Xamdokning kortejidagi avtomobillar yonida turibdi. Portlash va undan keyingi otishmada bosh vazirga zarar yetmagan.Foto: Reuters
Iordan daryosining g‘arbiy qirg‘og‘idagi Nablus shahrida Britaniyaning Safe Haven for Donkeys xayriya tashkiloti tomonidan boshqariladigan ko‘chma klinika oldida eshakni ko‘zdan kechirayotgan veterinar.Foto: Reuters
Iordan daryosining g‘arbiy qirg‘og‘idagi Nablus shahrida qurilishi davom etayotgan ko‘p qavatli binoning yuqori qavatidan shag‘allarni pastga olib tushayotgan eshaklar.Foto: Reuters
Yo‘lovchilarida koronavirus aniqlangan Grand Princess kruiz kemasi Tinch okeani suvlarida.Foto: Reuters
Rimdagi Leonarda da Vinchi aeroportida yo‘lovchilar o‘z reysiga ro‘yxatdan o‘tmoqda. Koronavirus epidemiyasi tarqalishining oldini olish uchun Italiya shimoli izolyatsiyaga olindi. Bu 16 million kishining turmushiga daxl qiladi.Foto: Getty Images
Fransiyaning Amnevil kommunasidagi hayvonot bog‘ida oq yo‘lbars Orissa va uning uch bolasi.Foto: AFP
Bangladeshning Dakka shahridagi kemasozlik korxonasida ishlayotgan erkak va bolalar.Foto: Reuters
Afinada Gretsiya bosh vaziri Kiriakos Mitsotakis va Yevropa barqarorlik mexanizmi boshqaruvchi direktori Klaus Regling qo‘l berib ko‘rishish o‘rniga mushtlarini bir-biriga urib salomlashmoqda. Mitsotakis bu ish koronavirusdan himoyalanish maqsadida amalga oshirilganini aytdi.Foto: Reuters
Izoh (0)