O‘zbekistonda identifikatsiya ID-kartalarini rasmiylashtirish va berish tizimini joriy etish chora-tadbirlari to‘g‘risida hukumat qarori qabul qilindi.
Belgilab qo‘yilishicha, 2021-yil 1-yanvardan boshlab yangi tug‘ilgan bolaga, O‘zbekiston fuqarosiga, O‘zbekiston hududida doimiy yashaydigan fuqaroligi bo‘lmagan shaxsga va xorijiy fuqaroga belgilangan namunadagi identifikatsiya ID-kartasi beriladi.
ID-karta uning egasining shaxsini, fuqaroligini tasdiqlaydigan hujjat hisoblanadi va O‘zbekiston Respublikasi hududida foydalaniladi. ID-karta u berilgan vaqtdan boshlab 10 yil muddatga amal qiladi.
Shuningdek, hujjatda ID-karta olish uchun qancha pul to‘lash kerakligi ham aytilgan.
Qayd etilishicha, ID-karta rasmiylashtirilganligi va berilganligi uchun davlat boji miqdori bazaviy hisoblash miqdorining 89 foizini tashkil etadi. Ya’ni — 198 470 so‘m.
Bildirilishicha, O‘zbekiston fuqarosining 2011-yilgi namunadagi biometrik pasporti, fuqaroligi bo‘lmagan shaxs va xorijiy fuqaroning yashash guvohnomasi ularning amal qilish muddati tamom bo‘lgunga qadar haqiqiydir. Ushbu hujjatlarning egalari ularni belgilangan tartibda ID-kartaga almashtirish huquqiga ega.
Izoh (0)