“Ularda infratuzilma yo‘q, lekin 120 mln dollarlik eksport bor”. Mirziyoyev Toshkentdagi hokimlarga Oltiariqni ibrat qilib ko‘rsatdi

Prezident Shavkat Mirziyoyev 7-mart kuni Toshkent shahrida amalga oshirilishi rejalashtirilgan investitsiya loyihalari muhokamasiga bag‘ishlangan yig‘ilish o‘tkazdi, deya xabar bermoqda davlat rahbarining matbuot xizmati.

Shuningdek, 2020-yilda 710,5 million dollar miqdorida eksport qilinishi mo‘ljallangan. Shundan qariyb 674 million dollari sanoat mahsulotlari, 36,5 million dollari meva-sabzavot mahsulotlariga to‘g‘ri keladi.

Oltiariq tumani 120 million dollarlik eksport qilyapti. Toshkentdagidek sanoat obyektlari, kommunikatsiya ularda yo‘q. Poytaxtda zarur infratuzilma bor! Hokimlar yerto‘lani tozalash bilan shug‘ullanadigan vaqt o‘tdi.

Endi tuman rahbarlari tadbirkorlikni rivojlantirib, tadbirkorlarni aylanma mablag‘lar bilan ta’minlab, eksportiga ko‘maklashib, ular bilan manzilli ishlashi kerak. Sizlar o‘zgarmas ekansiz, vaziyat o‘zgarmaydi.

Shavkat Mirziyoyev, O‘zbekiston Prezidenti