Bayram kunidagi “norozi” ayollar, Toshkentda gul ko‘targan niqobdagi yigit, siyosatdan ustun odamiylik. 8-mart suratlari
8-mart, yakshanba kuni dunyoning turli burchaklarida olingan eng qiziqarli suratlar jamlanmasini taqdim etamiz. Xalqaro xotin-qizlar kuni bayrami nishonlangan bu kunda dunyoning turli shaharlarida ayollarga nisbatan zo‘ravonlikka qarshi marshlar bo‘lib o‘tdi.
Xitoyning Futszyan provinsiyasidagi karantin markaziga aylantirilgan mehmonxona vayronalari ostidan yosh bola qutqarib olindi. Hodisa oqibatida kamida 4 kishi halok bo‘lgan.Foto: AFP
Santyagoda Xalqaro xotin-qizlar kunida marshga chiqqan chililiklar. Ayollar tengsizlik, zo‘ravonliklarga qarshi namoyish o‘tkazdi.Foto: Reuters
Donbassda 2014-yilda qulagan Malayziyaning “Boing” samolyoti qurbonlarining qarindoshlari Gaagadagi Rossiya elchixonasining oldida norozilik aksiyasi o‘tkazdi. Ular har bir qurbon uchun bittadan bo‘sh stol joylashtirib chiqdi. Plakatdagi yozuv: “Odamiylik siyosatdan muhim”. 9-martda Niderlandiyada aviahalokat bo‘yicha sud boshlanadi. MH17 reysi halokati oqibatida 298 kishi halok bo‘lgan, ularning 196 nafari niderlandiyaliklar edi.Foto: Reuters
Toshkentda Xalqaro xotin-qizlar kunida gul sotib olgan, himoya niqobidagi yigit.Foto: “Daryo”
Odatda turistlarga to‘la bo‘lgan Venetsiyadagi bo‘sh suv avtobusi. Italiyada koronavirus oqibatida halok bo‘lganlar 200 nafardan oshib ketdi.Foto: Reuters
Bishkekda Xotin-qizlar kunida ayollarga nisbatan zo‘ravonlikka qarshi ayollar marshga chiqdi. Dastlab ularga niqobdagi bir necha erkak hujum qildi. Militsiya kelganda hujumchilar qochib ketdi, ammo militsiya ayollarga hujum qilganlarni emas, balki aksiyada ishtirok etayotgan ayollarning o‘zini qo‘lga oldi. 70 ga yaqin ayol qo‘lga olingan.Foto: Reuters
Keyptaundagi eng qadimiy velopoygalardan birida bellashayotgan sportchilar. 35 mingdan ortiq sportchi 109 km masofani birinchi bo‘lib bosib o‘tish uchun musobaqalashadi.Foto: EPA
Jakartadagi masjid koronavirusga qarshi dezinfeksiya qilinmoqda. Indoneziyada hozirgacha koronavirusga chalinish bilan bog‘liq 6 ta holat qayd etildi.Foto: Reuters
Xalqaro xotin-qizlar kunida Istanbulda marshga chiqqan ayolning qo‘lidagi yozuv: “O‘lishni istamayman, raqs tushishni xohlayman”.Foto: Reuters
Istanbul politsiyasi xalqaro xotin-qizlar kunida marshga chiqqan ayollarning Istiqlol ko‘chasiga kirishiga to‘sqinlik qilmoqda.Foto: Reuters
Myanmaning Yangon shahrida hinduiylarning Holi bayramini nishonlayotgan odamlar.Foto: EPA
Vatikandagi Avliyo Petr maydoni oldida Suriyadagi urushga qarshi norozilik aksiyasini o‘tkazayotgan odamlar. Koronavirusdan himoyalanish bo‘yicha ko‘rsatmalarga muvofiq ular bir-biridan ma’lum bir uzoqlikdagi masofada turibdi.Foto: Reuters
Karachida xotin-qizlar kunida marshga chiqqan pokistonlik ayollar.Foto: Reuters
Buenos-Ayresda “Boka Xuniors” futbol klubi muxlislari Argentina chempionatidagi g‘alabani nishonlamoqda.Foto: AP Photo
Qohirada xorijga ketishi kerak bo‘lgan odamlar koronavirusga qarshi tekshiruvdan o‘tish uchun Misr sog‘liqni saqlash vazirligiga qarashli laboratoriya oldida navbat poylamoqda.Foto: AP Photo
Melburnda ayollar o‘rtasida kriket bo‘yicha JCh finalida Hindiston mag‘lub etilganidan so‘ng chempionlikni muxlislar bilan nishonlayotgan avstraliyalik sportchi.Foto: Getty Images
Limada Xalqaro xotin-qizlar kuni munosabati bilan uyushtirilgan marshda peruliklar zo‘ravonlik haqidagi “Rapist In Your Path” qo‘shig‘ini ijro etmoqda.Foto: AP Photo
Niqob taqqan erkak Rimdagi Kolizey oldidan o‘tmoqda.Foto: AFP
Soxta pasport bilan Paragvayga kirgan sobiq futbolchi Ronaldinyo va uning akasi Roberto de Assis Asunsyondagi sudga kelmoqda. Sud ularni garov evaziga qo‘yib yuborish masalasini hal qilishi kerak.Foto: AFP
Seuldagi Jogyes ibodatxonasida 30-aprel kuni nishonlanadigan Buddaning tug‘ilgan kuni uchun chiroqlar o‘rnatayotgan niqob taqqan erkak.Foto: AP Photo
Izoh (0)