Surxondaryo va Farg‘ona viloyatlarida Patrul-post xizmati va jamoat tartibini saqlash boshqarmasiga yangi rahbarlar tayinlandi. Bu haqda Ichki ishlar vazirligi matbuot xizmati xabar berdi.
Podpolkovnik Shuhrat Sattorov Surxondaryo viloyati IIB Patrul-post xizmati va jamoat tartibini saqlash boshqarmasi boshlig‘i lavozimiga tayinlandi.
Tayinlovga qadar Shuhrat Sattorov Surxondaryo viloyati IIB Jarqo‘rg‘on tumani IIB boshlig‘i o‘rinbosari lavozimida faoliyat yuritgan.
Podpolkovnik Ilhom Soipov Surxondaryo viloyati IIB Yo‘l harakati xavfsizligi boshqarmasi boshlig‘i lavozimiga tayinlandi.
Tayinlovga qadar Ilhom Soipov Surxondaryo viloyati IIB Yo‘l harakati xavfsizligi boshqarmasi boshlig‘ining birinchi o‘rinbosari — Yo‘l-patrul xizmati otryadi komandiri lavozimida faoliyat yuritgan.
Polkovnik Ilhom Ergashev Farg‘ona viloyati IIB Patrul-post xizmati va jamoat tartibini saqlash boshqarmasi boshlig‘i lavozimiga tayinlandi.
Tayinlovga qadar Ilhom Ergashev Farg‘ona viloyati IIB Huquqbuzarliklar profilaktikasi boshqarmasi boshlig‘i lavozimida faoliyat yuritgan.
Mavzuga doir:
Izoh (0)