Qoraqalpog‘istonda kamchiliklarni rasmiylashtirmaslik evaziga 2,5 million so‘m pora talab qilgan bandlikka ko‘maklashish markazi inspektori qo‘lga olindi. Bu haqda “Daryo”ga Bosh prokuratura matbuot xizmati xabar berdi.
Ma’lum bo‘lishicha, Mo‘ynoq tumanida teri-tanosil kasalliklari dispanserida mehnat qonunchiligiga rioya qilinishi yuzasidan o‘tkazilgan tekshirish natijasida xato va kamchiliklarni aniqlangan.
Mo‘ynoq tumani aholi bandligiga ko‘maklashish markazi inspektori Sh.B. ushbu kamchiliklarni rasmiylashtirmaslik hamda dispanser mansabdor shaxslariga nisbatan qonuniy chora ko‘rmaslik evaziga xizmat mavqeyidan foydalanib, tamagirlik yo‘li bilan hisobchi B.Q.dan 2,5 million so‘m pora talab qilgan.
Shundan 2 million so‘mni olgan vaqtida departamentning Qoraqalpog‘iston Respublikasi boshqarmasi tomonidan respublika prokuraturasi hamda IIV xodimlari hamkorligida o‘tkazilgan tezkor tadbirda qo‘lga olingan.
Mazkur holat yuzasidan Sh.B.ga nisbatan Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Namanganda soxta DXX xodimlarining bir fuqaroni qo‘rqitib, 150 ming dollar pulni olib qo‘ygani fosh bo‘lgani haqida xabar berilgan edi.
Izoh (0)