Indoneziya hukumati koronavirus bilan kasallangan fuqarolarni kimsasiz Galang oroliga joylashtirishni rejalashtirmoqda. Bu haqda mamlakat qurolli kuchlari bosh qo‘mondoni Xadi Tyajantoga tayanib, “RIA Novosti” xabar berdi.
Indoneziyada yangi turdagi COVID-19 koronavirusi bilan kasallanish bo‘yicha ikkita holat aniqlangan.
Tyajantoning ma’lum qilishicha, koronavirus bilan kasallanganlar Galang orolida 1979—1996-yillarda vyetnamlik qochoqlar uchun mo‘ljallangan lagerning saqlanib qolgan bir nechta binosiga joylashtiriladi.
Bosh qo‘mondonning so‘zlariga ko‘ra, oroldagi gospital karantin markazi vazifasini ham bajaradi.
Xitoy hukumati 2019-yil 31-dekabrda Jahon sog‘liqni saqlash tashkilotini Xubey provinsiyasining Uxan shahrida noma’lum turdagi respirator virus tarqalgani haqida ogohlantirgan. Mutaxassislar ushbu infeksiyaning koronavirus ta’sirida vujudga kelayotganini aniqlagan. JSST epidemiya sabab koronavirus tarqalishini xalqaro darajadagi favqulodda holat deb topgan va virusga COVID-19 rasmiy nomini bergan.
Mavzuga doir: Vengriyada ilk marta koronavirus bilan kasallanish bilan bog‘liq ikki holat qayd etildi
Izoh (0)