29-fevral kuni “Diplomatik yoki rasmiy pasport egalari bo‘lgan Yaponiya fuqarolariga O‘zbekiston Respublikasiga vizasiz kirish rejimini liberallashtirish to‘g‘risida”gi Vazirlar Mahkamasi qarori qabul qilindi, deb xabar berdi Adliya vazirligi matbuot xizmati.
Qarorga ko‘ra, martdan paritet asosda Yaponiya TIV tomonidan berilgan diplomatik yoki rasmiy pasport egalari bo‘lgan Yaponiya fuqarolari:
- O‘zbekistonda diplomatik yoki konsullik faoliyatini amalga oshirish va Yaponiya hukumati vazifalarini bajarish bilan bog‘liq bo‘lgan, shu jumladan ular bilan doimiy yashaydigan oila a’zolari uchun O‘zbekistonda bo‘lish muddatiga;
- boshqa maqsadlarda 90 kungacha O‘zbekistonga vizasiz kirish tartibi belgilandi.
Avvalroq Yaponiyada koronavirusni yuqtirganlar soni 1000 nafarga yetgani haqida xabar berilgan edi. Yaponiya sog‘liqni saqlash vazirligi ma’lumotlariga ko‘ra, kasallanganlarning 706 nafari Yokogama portida qariyb bir oy mobaynida karantinda bo‘lgan Diamond Princess sayohat kemasi ekipaji a’zolari va yo‘lovchilaridir.
Izoh (0)