Farg‘onada YPX xodimini nohaq ayblab, uni videoga olib tarqatgan fuqaro 10 sutkaga qamaldi. Bu haqda YHXX matbuot xizmati xabar berdi.
Ma’lum bo‘lishicha, YPX inspektori A.Obidov 2-mart, dushanba kuni, 4R-112 “Farg‘ona xalqasi” avtomobil yo‘lining Oltiariq tumani “G‘ayrat” MFY hududidan o‘tgan 248-kilometrida mobil komplekslar o‘rnatilgan Nexia-3 mashinasida xizmat olib borgan.
Xizmati davomida haydovchi D.M. Nexia’sida uning oldiga kelib to‘xtagan. Mashinadan haydovchi emas, yo‘lovchi F.E. tushib kelib, o‘zining telefoniga videotasvirga olib, inspektorni yo‘l belgisi o‘rnatilmagan hududda xizmat olib borishda ayblagan va videolavhani ijtimoiy tarmoqlarda tarqatgan.
Holat o‘rganilganda, YPX inspektori “Yuqori tezlik cheklangan” va “Radar” yo‘l belgilari ta’sir doirasida xizmat olib borganligi aniqlangan.
Xabarda aytilishicha, YPX inspektorining yo‘lovchi F.E. bilan qilgan muloqoti yuzasidan Farg‘ona viloyati IIB YHXB mas’ul xodimlari tomonidan xizmat tekshiruvi o‘tkazilmoqda.
Izoh (0)