Xitoyda koronavirus bilan kasallangan bemorlarni davolash uchun qurilgan vaqtinchalik kasalxonalardan biri yopildi. Mutaxassislarga ko‘ra, Xitoy dunyo bo‘ylab vahimaga sabab bo‘lgan kasallikka qarshi kurashishda hal qiluvchi pallaga chiqib oldi, infeksiya sabab “tushib” ketgan iqtisodiy ko‘rsatkichlarini ham tiklab olishga muvaffaq bo‘ldi.
Biroq endi koronavirus infeksiyasi Xitoydan tashqarida avj olmoqda. Yevropa mamlakatlarida kasallanganlar soni ortib bormoqda, Yaqin Sharqda esa COVID-19 bilan kurashishga harbiylar jalb qilindi.
Kasallanganlar va vafot etganlar
Xitoy Sog‘liqni saqlash milliy komissiyasining xabar berishicha, mamlakatda yangi turdagi COVID-19 koronavirusi bilan kasallangan bemorlarning qariyb 50 ming nafari davolanishga muvaffaq bo‘lgan. Ma’lumotlarga ko‘ra, o‘tgan bir sutka davomida mamlakatda virus oqibatida vafot etish bo‘yicha 38 holat qayd etilib, 119 kishi kasallikka chalingan. Shu bilan birga 2652 nafar bemorga shifoxonadan javob berilgan. Xitoy hududida koronavirus bilan kasallanganlarning umumiy soni 80 270 kishiga yetdi. Vafot etganlar soni 2981 kishini tashkil etmoqda.
Jahon sog‘liqni saqlash tashkilotining ma’lumotlariga ko‘ra, dunyo bo‘ylab koronavirus bilan kasallanganlar soni 90 870 kishiga yetgan bo‘lib, 3110 kishi virus oqibatida vafot etgan. Janubiy Koreyada 516 ta yangi holat qayd etilib, 5328 kishida koronavirus aniqlangan bo‘lsa, vafot etganlar soni 32 kishini tashkil etmoqda. Italiyada ushbu ko‘rsatkich tegishli ravishda 2502 va 79 nafarga teng. Eronda esa 2,9 ming kishida virus aniqlangan bo‘lib, 92 kishi vafot etgan. 552 kishi davolanishga muvaffaq bo‘lgan. Diamond Princess sayohat kemasini qo‘shib hisoblaganda Yaponiyada 1000 kishida koronavirus aniqlangan, vafot etganlar soni 12 kishiga yetgan.
O‘zbekistondagi vaziyat
O‘zbekistonda koronavirus tarqalgan 14 davlatdan kelgan fuqarolarni karantinga olish haqida qaror qabul qilindi. Karantinni buzganlar javobgarlikka tortiladi. Qarorga ko‘ra, Xitoy, Janubiy Koreya, Eron, Italiya, Afg‘oniston, Yaponiyadan to‘g‘ridan to‘g‘ri yoki boshqa davlatlar orqali, bir vaqtda uyushgan holda kirib kelgan fuqarolar 14 sutkaga karantinga olinadi.
Namangan viloyatining Uychi tumaniga bir guruh xitoyliklar kirib kelgani va do‘konlarda bemalol bozor-o‘char qilib yurgani haqida ma’lumotlar tarqaldi. Ushbu xabarlar tasdiqlanmadi, deb xabar bermoqda “Daryo” muxbiri Azizbek Abduvaliyev.
O‘qishni qat’iy tavsiya qilamiz: Namanganga kirib kelgan xitoyliklar “do‘konlarda bozor-o‘char qilib yurgani” tasdiqlanmadi
Ma’lum qilinishicha, O‘zbekiston budjeti bir nechta jihat bo‘yicha zarar ko‘radi. Importga qo‘shilgan soliq tushumlari kutilgan 2,9 foizni tashkil qilmay, aksincha, 1,5 foizgacha tushishi, davlat bojlari 0,4 dan 0,2 foizgacha, aksiz solig‘i esa YaIMga nisbatan hisoblaganda 0,1 dan 0,05 foizgacha tushib ketishi mumkin. 2019-yilda respublikadagi YaIM 58,3 milliard dollar bo‘lganini inobatga olib, 2020-yildagi zarar miqdori 960 million dollar (YaIMning 1,65 foizi) atrofida bo‘lishi taxmin qilingan.
Yanvar oyida ijtimoiy tarmoqlarda banan mevalarining O‘zbekistonga Xitoydan olib kirilishi va ularda koronavirus infeksiyasi borligi haqida xabarlar tarqalgandi. Mish-mishlar ta’sirida mamlakatda banan narxi arzonlashgan. Davlat Statistika qo‘mitasi ma’lumotlariga ko‘ra, fevral oyida bananlar 5,5 foizga arzonlashgan.
O‘zbekiston koronavirusga qarshi kurashish uchun Xitoyga gumanitar yordamning ikkinchi partiyasini yubordi. Unda eng zaruriy tibbiy anjomlar, xususan, bir marta qo‘llaniladigan steril qo‘lqoplar, himoyalovchi ust kiyim, niqob va boshqalar mavjud.
Koronavirus xavfi sabab O‘zbekistondagi o‘qituvchi va talabalarning xorijga chiqishi chegaralandi. O‘zbekiston Sog‘liqni saqlash vazirligi tegishli qarorni qabul qilgan.
Shunigdek, O‘zbekistondagi barcha bog‘chalarda koronavirusga qarshi nazorat tardbirlari kuchaytiriladi. Bu haqda Sog‘liqni saqlash vazirligi hamda Maktabgacha ta’lim vazirligi qo‘shma qaror qabul qilgan.
Ijtimoiy tarmoqlarda koronavirus haqida asoslanmagan audiosi tarqalgan fuqaro Farg‘onadagi “Ruxsor” radiosining xodimi bo‘lib, u xabarni do‘stlariga hazillashib jo‘natgan. Biroq audio do‘stlari tomonidan ijtimoiy tarmoqlarga tarqatib yuborilgan.
Bu esa aholi orasida vahima va turli bahs-munozaralarga sabab bo‘ldi. Yuqoridagi xabar ijtimoiy tarmoq foydalanuvchilari va aholi orasida tarqalib bo‘lgach jurnalist yolg‘on xabar tarqatganligi uchun xalqimizdan uzr suradi.Sog‘liqni saqlash vazirligi
Jahondagi vaziyat
Jahon sog‘liqni saqlash tashkiloti (JSST) bosh direktori Tedros Gebreyesus koronavirusga qarshi kurashish uchun har oy 89 million tibbiy niqob zarurligini ma’lum qildi. JSST dunyo bo‘ylab kasalxonalarga har oy 76 million dona tibbiyot qo‘lqopi va 1,6 million dona himoya ko‘zoynagi kerak bo‘lishini hisoblab chiqqan.Shuningdek, Tedros Gebreyesus yangi turdagi koronavirusning o‘lim darajasi mavsumiy gripp o‘lim darajasi bilan taqqoslanib, COVID-19 koronovirusidan vafot etganlar 2,4 foizga yuqorilaganini ma’lum qildi.
Butun dunyoda koronavirus qayd etilgan holatlarning 3,4 foizi o‘lim bilan yakunlangan. Taqqoslash uchun, mavsumiy gripp odatda kasallanganlarning 1 foizidan kamrog‘ining o‘limiga sabab bo‘ladi.AliExpress internet-maydoni xaridorlarni COVID-19 koronavirusi infeksiyasining tarqalganligi tufayli buyurtmalarni qabul qilib olishda bir oz kechikishlar bo‘lishi haqida ogohlantirdi.Tedros Gebreyesus, Jahon sog‘liqni saqlash tashkiloti bosh direktori
Biz sizning buyurtmangizni iloji boricha tezroq yetkazishga harakat qilamiz, ammo koronavirus tufayli kechikishlar kuzatilishi mumkin.Kremlda Rossiya prezidenti Vladimir Putinning atrofida koronavirus tarqalishining oldini olish uchun barcha chora-tadbirlar ko‘rilmoqda. Bu haqda Putinning matbuot kotibi Dmitriy Peskov xabar bergan. “Gap Rossiyaning istalgan fuqarosi qilishi mumkin bo‘lgan gigiyenik choralar haqida ketmoqda”, — deydi Dmitriy Peskov.AliExpress’ning ijtimoiy tarmoqlardagi sahifalari
Rossiya sog‘liqni saqlash vaziri Mixail Murashko Moskvaga Italiyadan qaytib kelganidan keyin koronavirus aniqlangan bemorning holati qoniqarli ekanligini ma’lum qildi. “Bu bemor o‘zini qoniqarli his qilmoqda. Vaziyat juda yaxshi”, — deb ta’kidlagan Mixail Murashko.
Rossiya hukumati mamlakatdan tibbiyot mahsulotlarini, xususan, niqoblar, kimyoviy himoya kiyimlari va respiratorlarning olib chiqib ketilishiga vaqtincha taqiq qo‘ydi. Taqiq 2020-yilning 1-iyuniga qadar amalda bo‘ladi.
AQSh Federal zaxira tizimi koronavirus tarqalishi va bozorlardagi pasayish munosabati bilan favqulodda choralarni ko‘rishga kirishdi. U favqulodda yig‘ilishda stavkalarni pasaytirdi. Bu 2008-yilgi jahon moliyaviy inqirozidan beri birinchi marta stavkalarning rejadan tashqari tushirilishi bo‘ldi. Pasaytirilgan foiz stavkalari moliyaviy tizimdagi stressni yengillashtirishga va investorlarning kayfiyatini yaxshilashga yordam beradi.
Jahon banki dunyoning 60 ga yaqin davlatida tarqalgan yangi turdagi COVID-19 koronavirusiga qarshi kurashish uchun 12 milliard dollar ajratadi. Ushbu mablag‘lar sog‘liqni saqlash tizimini mustahkamlash, tibbiy xizmatlardan foydalanish imkoniyatlarini yaxshilash va rivojlanayotgan mamlakatlarda kuzatuvni kuchaytirishga yo‘naltiriladi.
Eron koronavirusga qarshi bir qator choralarni ko‘rmoqda. Xususan, juma namozlari bekor qilindi va Xitoy fuqarolari uchun mamlakatga kirish taqiqlandi. Bundan tashqari, Eron Islom inqilobi muhofizlari korpusi koronavirus bilan kurashish uchun shtab tashkil etilganini ma’lum qildi.
Ukrainada birinchi marta koronavirus bilan kasallanish holati qayd etildi. Aeroportdagi tekshiruvlar bemorda kasallik belgilarini ko‘rsatmagandi. Kasallangan erkak Ukrainaga Italiyadan Ruminiya orqali kelgan.
Xorijiy mamlakatlar va Rossiya olimlarining tadqiqotlari natijasida koronavirusni yuqtirishga kimlar kamroq moyil ekanligini ma’lum qilindi. Tadqiqotlarga ko‘ra, Xitoyning 2019-nCoV koronavirusi bilan eng kam bolalar va o‘smirlar kasallanmoqda.
Facebook asoschisi Mark Sukerberg ijtimoiy tarmoq fuqarolarni koronavirus epidemiyasi haqida xabardor qilish yuzasidan sog‘liqni saqlash sohasidagi xalqaro va davlat tashkilotlariga faol yordam berayotgani haqida so‘zlab berdi. Kompaniya milliy sog‘liqni saqlash vazirliklari, Jahon sog‘liqni saqash tashkiloti (JSST) va UNICEF tashkilotlariga cheklanmagan miqdorda reklama uchun joylarni taklif etmoqda.
Mavzuga doir: Bo‘m-bo‘sh ko‘chalar, fidoyi dorixonachi, “ispan grippi” tufayli yopilgan bar. Italiyaning “qizil zonasi”dan suratlar
- Fransiya sog‘liqni saqlash vaziri Olivye Veran koronavirus sabab Fransiyada futbol uchrashuvlari qoldirilishi mumkinligini ma’lum qilgan.
- Futbol bo‘yicha Chempionlar Ligasi va Yevropa Ligasining 1/8 finalidan o‘rin olgan bir qator uchrashuvlar koronavirus sabab tomoshabinlarsiz o‘tishi mumkin.
Har kuni kechqurun faqat bitta xabar jo‘natamiz. “Daryo” oqshomi — kun davomida ro‘y bergan barcha voqea-hodisalar dayjesti Telegram-kanali: @daryooqshomi
Izoh (0)