Iordaniyaning Amman shahrida boks bo‘yicha Osiyo/Okeaniya mintaqalari uchun Tokio Olimpiadasiga yo‘llanma beruvchi musobaqaga 3-mart, seshanba kuni start beriladi.
Ushbu litsenzion musobaqada O‘zbekiston terma jamoasi ham ishtirok etadi. 2-mart, dushanba kuni musobaqaga qur’a tashlandi.
- -52 kg: Shahobiddin Zoirov – Sayid Muhammad (Pokiston) / Aldoms Suguro (Indoneziya)
- -57 kg: Mirazizbek Mirzahalilov – Akilbek Esenbek uulu (Qirg‘iziston) / Gaurav Solanki (Hindiston)
- -63 kg: Elnur Abduraimov – Jeyms Paliste (Filippin)
- -69 kg: Bobousmon Baturov – Ka Va Chan (Gong Kong) / Dominik Roye (Yangi Zelandiya)
- -75 kg: Fanat Qahramonov – Osama Elsimrin (Iordaniya)
- -81 kg: Dilshod Ro‘zmetov – Navosa Yata (Tuvalu) / Paulo Aukuso (Avstraliya)
- -91 kg: Sanjar Tursunov – Toriq Robi (Iroq)
- +91 kg: Bahodir Jalolov – Denis Latipov (Bruney) / Xvapyong Son (Janubiy Koreya)
Eslatib o‘tamiz, boks bo‘yicha O‘zbekiston terma jamoasi Amman shahriga 17-fevralda o‘quv-mashg‘ulot yig‘inlarida qatnashish uchun jo‘nab ketgandi. Reglamentga ko‘ra, Osiyo/Okeaniya mintaqalari uchun har bir vazn toifasiga turlicha kvota ajratilgan. Ushbu turnirda litsenziyalar quyidagi tartibda taqsimlanadi:
- -52 kg: 6 ta o‘rin
- -57 kg: 6 ta o‘rin
- -63 kg: 6 ta o‘rin
- -69 kg: 5 ta o‘rin
- -75 kg: 5 ta o‘rin
- -81 kg: 5 ta o‘rin
- -91 kg: 4 ta o‘rin
- +91 kg: 4 ta o‘rin