Geely kompaniyasi Volvo bilan hamkorlikda ishlab chiqarishni yo‘lga qo‘ygan Icon krossoveri uchun buyurtmalar qabul qilishni boshladi, deb xabar beradi Motor.
Xitoy avtomobil ishlab chiqaruvchisining ma’lum qilishicha, yangi model IAPS maxsus iqlim qurilmasi bilan jihozlangan bo‘lib, u salon ichidagi insonni bakteriya va viruslardan himoya qilishga qodir. So‘rovlar kutilganidan ham oshib ketdi: bir sutka ichida 30 mingdan ortiq buyurtma kelib tushgan.
Geely kompaniyasi Icon krossoverining bazaviy versiyasini 16,5 ming dollarga baholamoqda — bu Hyundai Creta’ning Xitoydagi muqobilidan 570 dollarga arzonroq.
Mashina koronavirusdan himoya qiluvchi IAPS maxsus iqlim tizimidan tashqari 10,25 dyuymli virtual qurilmalar paneli, xuddi shunday diagonalga ega multimediatizimga, isitiladigan old o‘rindiqlar hamda kalitsiz bosharish tizimiga ega.
Geely Icon’ga 1,5 litrli 177 kuchga ega “turbouchlik” o‘rnatiladi. Ixtiyoriy ravishda krossoverni 48 voltli boshlang‘ich-generator bilan ta’minlash orqali elektrlashtirish mumkin. Gibridizatsiya yoqilg‘i sarfini kamaytiradi va maksimal quvvatni 190 kuch va 300 Nm’ga oshiradi.
Loyihani amalga oshirish uchun 52,5 million dollar ajratilgan.
Izoh (0)