Qashqadaryoning Chiroqchi tumanida mol o‘g‘riligida gumon qilingan 32 yoshli Yusuf Abdurahmonov 22-yanvar kuni IIB xodimlari tomonidan kaltaklanishi oqibatida vafot etgan edi. Hodisadan so‘ng Chiroqchi IIBning ikki nafar xodimi qo‘lga olingani haqida xabar berilgan edi.
Marhum Yusuf Abdurahmonovning akasi Shuhrat Abdurahmonovning “Daryo” muxbiriga ma’lum qilishicha, uning ukasi bilan bir kunda IIB xodimlari tomonidan ayovsiz kaltaklangan ota-bola — Qurbon Ostonayev va Bahrom Avliyoqulov 1-mart kuni Chiroqchi prokuraturasiga chaqirilgan.
Ayovsiz kaltaklangan ota-bolaga tergovchilar tomonidan 60 ga yaqin IIB xodimining surati ko‘rsatilgan. “Ular ko‘rsatilgan rasmlardan 13 nafar xodimni tanigan. Viloyat prokuraturasidan Ilhom ismli tergovchi o‘sha 13 nafar IIB xodimi ham tergovga jalb qilinishini aytgan”, — dedi marhumning akasi.
Eslatib o‘tamiz, Chiroqchi IIBdagi shov-shuvli voqeadan so‘ng Qashqadaryo viloyati IIB o‘rinbosari vijdoni qiynalib ishdan ketgan, qamoqqa olingan ikki nafar IIB xodimidan biri esa Chiroqchi tuman Ichki ishlar organlari faoliyatini muvofiqlashtirish boshqarmasi 4-son IIB boshlig‘i ekani aytilgan edi.
Mavzuga doir:
- Qashqadaryoda mol o‘g‘riligida gumon qilingan erkak IIB xodimlari tomonidan kaltaklanishi oqibatida vafot etgani aytilmoqda
- Chiroqchida bir necha IIB xodimi qamoqqa olindi. Ular odam o‘ldirishda gumon qilinmoqda
- “‘Uchastkavoy’laringni qutqarib qolsalaring, urgani yo‘q desalaring, rozi qiladi”. Chiroqchilik IIB xodimlari qotillikni yashirish uchun guvohlarning og‘zini yopishga uringan
- “Chiroqchi voqeasi” ortidan viloyat IIB boshlig‘i o‘rinbosari ishdan ketdi
- “Chiroqchi voqeasi” bo‘yicha qamoqqa olinganlardan biri IIB boshlig‘i ekanligi aytilmoqda
Izoh (0)