Tashqi ishlar vazirligi Janubiy Koreyada bo‘lib turgan va ushbu davlatga borishni rejalashtirayotgan o‘zbekistonliklarga murojaat qilib, koronavirus tarqalishining oldini olish maqsadida O‘zbekiston Transport vazirligi Janubiy Koreya aviatsiya idoralari 1-martdan boshlab ikki mamlakat o‘rtasidagi aviaqatnovlarda vaqtinchalik cheklash choralari joriy qilinishi to‘g‘risida rasman xabardor qildi.
Vazirlikka ko‘ra, O‘zbekiston—Janubiy Koreya respublikasi o‘rtasida aviaqatnovlar soni haftasiga 1 ta reysgacha qisqartiriladi. Qayd etilishicha, O‘zbekistonga Janubiy Koreyadan kelgan har bir yo‘lovchi 14 kun davomida karantinga joylashtiriladi.
Avvalroq, Uzbekistan Airways aviakompaniyasi 1-mart kuni Seuldan Toshkentga Janubiy Koreyadagi O‘zbekiston fuqarolarining ilk guruhi qabul qilgani haqida xabar berilgandi. Milliy aviakompaniya 1-martdan boshlab Janubiy Koreyada koronavirus avj olishi sababli Seulga bo‘lgan qatnovlarni vaqtincha to‘xtatib turgani haqida xabar berilgandi. Shuningdek, Uzbekistan Airways Yaponiya va Italiyada koronavirus avj olishi sababli Uzbekistan Airways aviakompaniyasi 2020-yilning 1-martidan boshlab Tokio va Rimga bo‘lgan yo‘nalishdagi qatnovlarni vaqtincha to‘xtatgani ma’lum qilingandi.
Izoh (0)