AQSh koronavirusga qarshi kurashda Eron hukumatiga yordam taklif qilgani haqida xabar berilgandi. Tehron Vashingtonning yordamini targ‘ibot ishi deya hisoblamoqda. Bu haqda Eron tashqi ishlar vaziri Abbos Musaviyga tayanib, “RIA Novosti” xabar berdi.
“Iqtisodiy terrorizmi Eron xalqiga keng ko‘lamli bosim o‘tkazayotgan va buning oqibatida dori-darmon hamda tibbiyot uskunalarini sotib olish imkoniyatini cheklayotgan davlatning koronavirusga qarshi kurashish yo‘lida Eronga yordam taklif qilishi — sharmandali siyosiy va psixologik o‘yin”, — deydi Musaviy. U Vashington bayonotini “ikkiyuzlamachilik va targ‘ibotchilik” deb atagan
Musaviyning qo‘shimcha qilishicha, Eron virusga qarshi kurashda sog‘liqni saqlash ehtiyojlarini qondirish uchun ko‘plab davlatlar bilan yaqindan aloqa qilmoqda.
“Butun dunyo uchun epidemiyaga aylangan va ko‘plab davlatlarda tarqalgan koronavirusga qarshi kurashda keskinlik va xalqaro hamkorlik zarur, ko‘z-ko‘z qilinadigan harakatlar emas”, — deya qo‘shimcha qiladi Musaviy.
Mavzuga doir:
Izoh (0)