O‘zbekiston tashqi ishlar vaziri Abdulaziz Komilov Qatar poytaxti Doha shahrida o‘tayotgan Afg‘oniston tinchlik muzokaralarida ishtirok etmoqda. Bu haqda TOLO News agentligiga tayanib, “Gazeta.uz” xabar berdi.
Muzokara yakuniga ko‘ra, imzolanadigan bitimda AQSh askarlarining Afg‘onistondan chiqib ketishi tartibi belgilanadi. Shuningdek, rasmiy hukumat va “Tolibon” harakati vakillari o‘rtasida otishmalarni to‘xtatish, siyosiy muloqotni davom ettirishga urg‘u beriladi.
Biz, birinchi navbatda, juda optimistik ruhda bo‘lmoqchimiz. Ikkinchidan, ushbu tinchlik jarayonining boshlanayotganligini mamnuniyat bilan qarshi olamiz. O‘zbekiston Afg‘onistonning yon qo‘shnisi hisoblanadi va o‘tgan bir necha asrlar mobaynida bizni afg‘on xalqi bilan juda yaqin gumanitar, madaniy va iqtisodiy aloqalar bog‘lab turadi. Shuning uchun bugungi muammo faqat afg‘on xalqiga tegishli, deb o‘ylamaymiz. Bu mintaqadagi barcha davlatlarning muammosidir. Shuning uchun biz Afg‘onistonda tinchlik va barqarorlikni o‘rnatish uchun birgalikda harakat qilishimiz darkor. Chunki bu mintaqadagi barcha xalqlarning umumiy manfaatidir.Vazir o‘rinbosari Ilhom Ne’matovning bildirishicha, imzolanishi kutilayotgan bitim keyingi muzokaralarga ham yo‘l ochadi. Vazir o‘rinbosari Dohadan keyingi natijaga qarab afg‘on hukumati va “Tolibon” harakati vakillari ishtirokida O‘zbekistonda uchrashuv tashkil qilinishini istisno etmadi.Abdulaziz Komilov, tashqi ishlar vaziri
Mavzuga doir: AQSh Afg‘oniston bilan munosabatlarni mustahkamlash uchun O‘zbekistonga 1 mln dollar ajratadi
Izoh (0)