Koronavirus Yevropa bo‘ylab tarqalishda davom etmoqda

So‘nggi kunlarda koronavirus bilan zararlanish va u bilan bog‘liq o‘lim holatlari bir nechta Yevropa mamlakatida qayd etildi. “RBK Ukraina” mazkur mamlakatlardagi holat haqida xabar berdi.

Shveysariya

Shveysariya rasmiylari 25-fevral kuni koronavirus yuqtirib olish bo‘yicha birinchi holatni tasdiqladi. 70 yoshli erkak virus bilan zararlangan. Dastlabki ma’lumotlarga ko‘ra, zararlanish erkak Milaga tashrif buyurganida yuz bergan. Keyinchalik yana uchta holat qayd etildi.

Italiya

Italiya bugungi kunda Yevropada koronavirusdan eng ko‘p aziyat chekmoqda, bu mamlakatda virus yuqtirganlar soni 500 kishidan oshdi. Shuningdek, mamlakatda 14 ta o‘lim holati qayd etilgan.

Gretsiya

Joriy haftada Gretsiyada kasallanish bilan bog‘liq birinchi holat qayd etilgan. 38 yoshli ayol Italiyaning shimoliga tashrif buyurgandan keyin kasallangan. Keyinroq yana ikkita holat aniqlangan.

Gruziya

Gruziya sog‘liqni saqlash vaziri Yekaterina Tikaradzening aytishicha, bir kun oldin Erondan Ozarbayjon orqali kelgan o‘rta yoshli kishi virus bilan zararlangan. Koronavirusning tarqalish xavfi yo‘q, kasallangan kishi bilan aloqada bo‘lganlarning hammasi karantinga olinadi

Estoniya

27-fevral, chorshanba kuni Ijtimoiy ishlar vaziri Tanel Kiik Estoniyada koronavirus bilan bog‘liq birinchi holat qayd etilganini ma’lum qildi. Kasallangan kishi mamlakat fuqarosi emas, ammo u yerda doimiy yashaydigan odam bo‘lib chiqdi. Virusga chalingan odam chorshanba kuni kechqurun Erondan Estoniyaga qaytgan.

Daniya

Shuningdek, 27-fevral kuni Daniyada ham COVID-19 koronavirus bilan bog‘liq birinchi holati qayd etildi. Kasallangan kishi Italiyadagi kurortda bo‘lib qaytgan.

Norvegiya

Norvegiya Sog‘liqni saqlash vazirligi 26-fevral kuni mamlakatdagi koronavirus bilan kasallanish bo‘yicha birinchi holatni tasdiqladi. Koronavirus o‘tgan haftaning oxirida Xitoydan qaytib kelgan odamda qayd etilgan va u o‘sha vaqtdan beri karantinda bo‘lgan. Mahalliy rasmiylar yangi virus tarqalishining ehtimoli past deb hisoblamoqda.

Shimoliy Makedoniya

Shimoliy Makedoniyada 26-fevral kuni koronavirus infeksiyasining birinchi holati tasdiqlandi. Tibbiy yordamga murojaat qilgan ayol Italiyadan kelgan.

Germaniya

Koronavirus bilan kasallanganlar soni bo‘yicha ikkinchi o‘rinda Germaniya joylashgan, bu davlatda 21 ta holat qayd etilgan. Koronavirus infeksiyasi mamlakatda yanvar oyining oxiridan beri qayd etilgan, bugungi kungacha o‘lim holatlari yuz bermagan.

Fransiya

Fransiyada koronavirus yuqtirib olish bo‘yicha 19 ta holat qayd etilgan, ularning ikkitasi o‘lim tugagan. Keksa erkak 26-fevral kuni Parijdagi Salpetriere kasalxonasida vafot etdi, undan oldin 80 yoshli Xitoy fuqarosi vafot etgan.

Buyuk Britaniya

Buyuk Britaniya orollarida koronavirus bo‘yicha 15 ta holat qayd etilgan. Avvalroq u yerda ikkita maktab karatin uchun yopilgan edi, ularning o‘quvchilari Italiyada bo‘lib qaytgan.

Ispaniya

So‘nggi ma’lumotlarga ko‘ra, Ispaniyada 12 kishi virusni yuqtirgan. Mazkur holatlar Madrid, Kataloniya, Kanar orollari va Mayorkada qayd etilgan.

Avstriya

Koronavirus bo‘yicha dastlabki holatlar Avstriyada ham qayd etildi. Mahalliy rasmiylar ma`lumotlariga ko‘ra, Insbrukda yashaydigan ikki nafar Italiya fuqarosi kasallangan. Lombardiyaga tashrif buyurganidan keyin ularda koronavirus aniqlangan. Venada ham virus bilan bog‘liq holat qayd etilgan.

Xorvatiya

Xorvatiyada koronavirus bilan bog‘liq uchta holati qayd etildi. Kamida bir nafar erkak Italiyaning Milan shahriga safari paytida virus yuqtirgani ma’lum bo‘lgan.

Isroil

So‘nggi kunlarda Isroilda koronavirusning ikkinchi holati tasdiqlandi. Birinchi holatda bo‘lgani kabi, infeksiya Diamond Princess kruiz kemasining yo‘lovchisida aniqlandi. 27-fevral kuni uchinchi holat haqida ma’lum bo‘ldi.

Rossiya

Rossiyada koronavirus yanvar oyi oxirida bir ayol va bir erkakda aniqlangan. Ikkalasi ham Xitoy fuqarolari bo‘lgan va ular maxsus izolyatorlarga yotqizilgan. Ular bilan aloqada bo‘lgan odamlar ham kasalxonalarga joylashtirilgan.

Ruminiya

Ruminiyada koronavirusning bo‘yicha birinchi holat joriy hafta qayd etildi. Virus yuqtirgan odam uch hafta oldin Italiyaga tashrif buyurgan. U Buxarestdagi kasalxonada karantinga joylashtirilgan.

Belgiya

Fevral oyi boshlarida Xitoyning Uxan shahridan evakuatsiya qilinganlardan birida koronavirus aniqlangan. Karantindagi evakuatsiya qilingan guruhning boshqa a’zolari tahlillari salbiy natija bergan.

Finlyandiya

Bugungi kunda ma’lum bo‘lgan yagona holat yanvar oxirida qayd etilgan. Avvalroq Uxanda bo‘lgan 32 yoshli ayol kasal bo‘lib qolgani haqida xabar berilgan.

Shvetsiya

Koronavirus Uxanga tashrif buyurgan hamda Yencheping shahrida yashovchi ayolda aniqlandi.