Ukraina prezidenti Vladimir Zelenskiy Qrimni qaytarish mamlakat milliy g‘oyasining ajralmas bo‘lagi bo‘lishini qayd etdi. Yarimorol 2014-yilda Rossiya tarkibiga kirgan. Shuningdek, Zelenskiy 26-fevralni “Qrim va Sevastopol qamaliga qarshi kurash kuni” sifatida nishonlash to‘g‘risidagi farmonni ham imzolaganini ma’lum qilgan, deb yozmoqda “Kommersant”.
“So‘zimni oddiy, isbot talab qilinmaydigan aksiomalardan boshlamoqchiman. Hafta yetti kundan iborat, Yer shar shaklida, Qrim bu – Ukraina. Qrimni qaytarish milliy g‘oyamizning asosiy va ajralmas qismlaridan biri bo‘ladi”,— deya ta’kidlagan Zelenskiy Age of Crimea forumida.
U Qrimni qaytarish yaqin orada sodir bo‘lmasligi haqida ham ogohlantirgan.
“Bu ertagayoq hal bo‘lib qolmaydigan anchayin qiyin vazifa, lekin biz hozir bajarishimiz zarur bo‘lgan boshqa maqsadlar ham bo‘ladi”,— deydi Zelenskiy.
Mavzuga doir:
- Zelenskiy Ukrainada Xitoydan qaytgan fuqarolar avtobusining toshbo‘ron qilinishini Yevropa o‘rta asrlar tarixiga xos holat deb baholadi
- Ukraina prezidentida surunkali charchoq alomatlari sezilayotgani ma’lum qilindi
- Ukrainada aholini ro‘yxatga olish sinab ko‘rildi. Natija: aholi 18 yilda 11 millionga kamaygan
- Ukraina bosh vaziri Donbassni qaytarish ssenariysi haqida gapirdi
Izoh (0)