Futbol bo‘yicha O‘zbekiston Superligasining 2020-yilgi mavsumiga 27-fevral, payshanba kuni start beriladi.
Joriy mavsumni amaldagi chempion “Paxtakor” va Namanganning “Navbahor” jamoalari o‘rtasidagi bahs ochib beradi. Uchrashuv Toshkentdagi “Paxtakor” stadionida 16:00 da boshlanadi.
“Paxtakor” va “Navbahor” jamoalari O‘zbekiston milliy chempionatlari tarixida jami 58 bora to‘qnash kelgan. Ularning 36 tasida “sherlar” g‘alaba qozongan bo‘lsa, to‘qqizta o‘yinda durang qayd etilgan. Yana 13 uchrashuvda esa “lochinlar” zafar quchgan.
Ushbu o‘yin “Paxtakor”ning Osiyo Chempionlar Ligasidagi ishtiroki sabab odatdagi vaqtdan ertaroq o‘tkazilishi ma’lum bo‘lgandi. Qolgan bahslar 28-fevraldan 1-martgacha o‘tkaziladi.
Superliga
1-tur bahslari
27-fevral, payshanba
Izoh (0)