Viskonsin shtatining Miluoki shahrida joylashgan Molson Coors pivo ishlab chiqaruvchi zavodi hududida otishma sodir bo‘ldi. Bu haqda Milwaukee Journal Sentinel mahalliy nashri xabar berdi.

Foto: ABC News

Ma’lumotlarga ko‘ra, otishma oqibatida kamida olti kishi halok bo‘lgan. Hujumni uyushtirgan shaxs ham o‘lgani aytilmoqda. ABC ma’lumotlariga ko‘ra, otishmani Molson Coors’dan bo‘shatib yuborilgan sobiq xodim uyushtirgan.

Molson Coors xodimlari otishma haqida elektron pochta orqali ogohlantirilgan. Ulardan o‘z ofislarini yopish so‘ralgan. Zavodda kamida 600 kishi ishlaydi.

Miluoki politsiyasi hozircha otishma va halok bo‘lganlar haqida rasmiy ma’lumot bermagan.