“O‘zgidromet”ning xabar berishicha, 26-27-fevralda O‘zbekiston hududiga Volgabo‘yi hududlari (Astraxan) ustida shakllangan nam va sovuq havo oqimlari kiradi.

Foto: “Daryo”

26-27-fevralda O‘zbekiston bo‘yicha vaqti-vaqti bilan yog‘ingarchilik (yomg‘ir, qor), ayrim joylarda yog‘inlar kuchli bo‘ladi.

Shamolning tezligi kuchayib, soniyasiga 15-20 metrgacha, shiddat bilan esganda 23-28 metrgacha yetadi.

Havo harorati 26-fevralda kechasi 7-12 daraja iliq, kunduzi 13-18 daraja iliq bo‘ladi, mamlakat shimolida kechasi va kunduzi 3-8 darajani tashkil qiladi. 27-fevralda respublika bo‘yicha havo haroratining kechasi va kunduzi 3-8 daraja iliqqacha pasayishi kutilmoqda.