Toshkent shahar, Yakkasaroy tumani, “Yunus Rajabiy” mahallasida ko‘p yillik 81 ta daraxtlarning qonunga xilof ravishda kesilganligi holati bo‘yicha to‘plangan hujjatlar o‘rganilib, aybdorlarga nisbatan jinoyat ishi qo‘zg‘atilgani yuzasidan 23-fevral kuni Toshkent shahar prokuraturasida mutasaddi idoralar ishtirokida tezkor yig‘ilish o‘tkazildi. Bu haqda Toshkent shahar prokuraturasi axborot xizmati xabar berdi.
Yig‘ilishda Toshkent shahar prokurorining 2020-yil 23-fevraldagi buyrug‘i bilan Yakkasaroy tuman prokurori N.A.Allabergenovaga o‘z xizmat vazifasini lozim darajada bajarmay, tumanda qonunlar ijrosi ustidan yetarli prokuror nazoratini o‘rnatmagani uchun hayfsan e’lon qilindi.
Toshkent shahar ekologiya va atrof muhitni muhofaza qilish boshqarmasi o‘zining Facebook’dagi sahifasi orqali Yakkasaroy tumani Yunus Rajabiy ko‘chasi 66/1, 66/2, 66/3, 66/4 hamda 72-uylar oralig‘idagi daraxtlarning kesilishi bo‘yicha ma’lumot bergan. Oliy Majlis Qonunchilik palatasi deputati Rasul Kusherbayev 20-fevral kuni tuman aholisi va tadbirkorlar bilan uchrashib, Toshkent shahrining sobiq hokimi qarori noqonuniy bo‘lganini aytgani haqida video tarqalgandi.
https://www.facebook.com/100005001224899/videos/1524334631076563/
Izoh (0)