Toshkentda daraxtlar kesilishi holati davlat nazoratiga olingani ma‘lum qilindi. Ishchi guruh kesilgan daraxtlar o‘rniga 150 ta ko‘chat ekadi

Toshkentning Yakkasaroy tumani Yunus Rajabiy ko‘chasida daraxtlar kesilishi holati davlat nazoratiga olingani, poytaxt hokimligi va Toshkent shahar prokuraturasi hamda barcha aloqador tashkilot, idoralar tarkibida ishchi guruh tuzilgani haqida poytaxt hokimligi matbuot xizmati xabar berdi.

Toshkent shahar hokimligi holat bo‘yicha qonunbuzarliklarga yo‘l qo‘ygan shaxslarga nisbatan qonuniy choralar ko‘rilib, ishlarning borishi va o‘rganish natijalari to‘g‘risida axborot berilishi ma’lum qildi.

Shunigdek, ishchi guruh qisqa muddatda shahar iqlimi va landshaftiga mos keladigan sersoya daraxtlar ekish orqali daraxtzorning qayta tiklanishini ta’minlab, ko‘chat ekish va boshqa obodonlashtirish ishlari mahalliy aholi xohish-istaklarini hisobga olgan holda amalga oshiradi.