Bosh prokuratura huzuridagi departament Amudaryo tumani bo‘limi IIV xodimlari bilan hamkorlikda o‘tkazgan tezkor tadbirda fuqaro Komil Abdurahmonov (ismi va familiyasi o‘zgartirilgan) qo‘lbola tayyorlangan 2986 shisha alkogol mahsulotlarini Mardon Mannopovga (ismi va familiyasi o‘zgartirilgan) 4 600 AQSh dollariga sotayotganda qo‘lga olingan.
Bosh prokuratura “Daryo”ga ma’lum qilishicha, 2986 shisha alkogol mahsulotlari ashyoviy dalil sifatida olib qo‘yilgan.
Holat yuzasidan Komil Abdurahmonovga nisbatan Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari o‘tkazilmoqda.Avvalroq, Denovda juda ko‘p miqdordagi alkogol mahsulotlarini talon-toroj qilish holati fosh etilgani haqida xabar berilgandi.
Izoh (0)