Xorazmdagi ayrim tuman va shaharlar salkam bir kunga elektr ta’minotidan uzildi

Xorazm viloyatining ba’zi tumanlari va shaharlarida 22-fevral kuni elektr energiyasi ta’minotida uzilishlar bo‘lishi mumkin. Bu haqda “Xorazm hududiy elektr tarmoqlari” kompaniyasi ma’lum qildi.

Xabar berishlaricha, Taxiatosh issiqlik elektr stansiyasining 7-energiya blokida olib borilayotgan ta’mirlash ishlari tufayli ba’zi tumanlar va shaharlar kun davomida elektr ta’minotidan uziladi.

Qayd etishlaricha, IESdagi ta’mirlash ishlari 22-fevral kuni soat 23:55 gacha davom etadi.

Ma’lumot uchun, Taxiatosh IES Qoraqalpog‘istonning Taxiatosh shaharchasida joylashgan bo‘lib, Qoraqalpog‘iston va Xorazmni elektr energiyasi bilan ta’minlovchi asosiy manbalardan biridir.