Futbol bo‘yicha Ispaniya chempionatining 25-turida “Barselona” 22-fevral, shanba kuni “Eybar”ni qabul qildi.
“Kamp Nou” stadionida bo‘lib o‘tgan o‘yinda kataloniyaliklar raqib darvozasiga javobsiz beshta to‘p kiritdi. Uchrashuvning birinchi bo‘limidayoq Lionel Messi het-trikni rasmiylashtirdi.
O‘yin yakunlanishi arafasida “Barselona” debyutanti Martin Breytueyt tomonidan uzatib berilgan to‘pni Messi darvozaga joylab o‘zining va jamoasining to‘rtinchi golini urdi. 89-daqiqada Artur hisobni 5:0 ko‘rinishiga keltirib qo‘ydi.
Shu tariqa Kike Setyen shogirdlari 55 ochko to‘plagan holda birinchi o‘ringa ko‘tarilib oldi. “Eybar” (24) esa 17-pog‘onada qoldi.
La Liga
25-tur bahsi
22-fevral, shanba
“Barselona” — “Eybar” 5:0
Gollar: 1:0 — 14 Messi, 2:0 — 37 Messi, 3:0 — 40 Messi, 4:0 — 87 Messi, 5:0 — 89 Artur.“Barselona”: ter Shtegen, Pike (Umtiti, 68), Firpo, Semedu, Langle, Artur, Rakitich, Buskets (de Yong, 59), Vidal, Messi, Grizmann (Breytueyt, 72).
“Eybar”: Dmitrovich, Arbilya, Texero, Burgos, Xose Anxel, Eskalante, Diop, Inui (De Blasis, 66), Orelyana, Eksposito (Kristoforo, 83), Enrik (Kike Gonsales, 66).
Ogohlantirishlar: Eskalante (64), Diop (85).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)