Italiya fuqarosi Jorjo Geno Toshkentda ijaraga olingan xonadonida o‘lik holda topildi. Bu ma’lumotni Bosh prokuratura matbuot xizmati tasdiqladi.
Voqea joyi ko‘zdan kechirilgan vaqtda xonadon eshigi buzilgani, xonalardagi buyumlar tartib holda ekani, halok bo‘lgan odamning tanasida tashqi jarohatlar yo‘qligi aniqlangan.
O‘lim sababini aniqlash maqsadida sud tibbiy ekspertizasi o‘tkazilishi belgilangan. Tergovga qadar surishtiruv ishlari olib borilmoqda.
Jorjo Genoning o‘limi haqidagi xabarlar Italiya OAVda 20-fevral, payshanba kuni tarqalishni boshlagan. Xabarlarga ko‘ra, yigitning ota-onasi uch kun davomida u bilan bog‘lana olmagan va mahalliy hokimiyat vakillaridan bu borada yordam so‘ragan, yakunda Geno kvartirada o‘lik holda topilgan.
Jorjo Geno ko‘p yillar davomida xorijda, jumladan, Avstraliya va Sobiq Ittifoq tarkibiga kirgan aksar mamlakatlarda yashagan. U O‘zbekistonga bir necha oy ilgari kelgandi. Ota-onasining so‘zlariga ko‘ra, Jorjoning sog‘lig‘i joyida bo‘lgan va u bodibilding bilan shug‘ullangan.
Avstraliyaning Star Now saytida berilgan ma’lumotda Jorjo Genoning ijodni endi boshlagan aktyor va model ekani yozilgan.
Mavzuga doir:
- Narimon Grigoryan bir yigitning boshqa bir yigitga rashki sabab o‘ldirilganmi?
- “Marhumning murdasiga benzin sepib, o‘t qo‘yilgan”. Narimon Grigoryanning o‘ldirilishi bilan bog‘liq yangi tafsilotlar
- Narimon Grigoryanni o‘ldirishda gumon qilinayotgan shaxs qamoqqa olindi
- Dizayner Narimon Grigoryan jasadi topilganidan 3 kun avval o‘ldirib ketilgani ma’lum bo‘ldi
- Dizayner Narimon Grigoryanning jasadi o‘zi ijarada yashaydigan uydan topilgan. Jinoyat ishi qo‘zg‘atildi
Izoh (0)