Jahongir Sa’dullayev Xorazm viloyati hokimi o‘rinbosari — viloyat Mahalla va oilani qo‘llab-quvvatlash boshqarmasi boshlig‘i etib tayinlandi. Bu haqda viloyat hokimligi axborot xizmati xabar bermoqda.

Foto: Xorazm viloyati hokimligi

Qayd etishlaricha, Jahongir Sa’dullayev ushbu tayinlovga qadar Xorazm viloyati IIB boshlig‘ining jamoat tartibini saqlash bo‘yicha o‘rinbosari sifatida ishlab kelayotgan edi.

Qo‘shimcha qilishlaricha, Gulsara Qurbonboyeva Xorazm viloyati Mahalla va oilani qo‘llab-quvvatlash boshqarmasi boshlig‘i birinchi o‘rinbosari, Sardorbek Rahimov va Matkarim Jumaniyozov esa boshqarma boshlig‘i o‘rinbosarlari etib tayinlangan.

Avvalroq Farg‘ona va Toshkent viloyatlarida ham yangi tashkil etilgan Mahalla va oilani qo‘llab-quvvatlash boshqarmalariga boshliqlar tayinlangani haqida xabar berilgan edi.